Bandos y banderes

Asturies, vuelve a traer polémica una vegada más, si non ye pol Ave, ye por Hevia y, agora, la nuesa bandera ye  motivu de griesca. Taba viendo’l vidiu onde’l seleccionar sub-19 garra-y al probe Muñiz la so bandera de la Cruz de la Victoria, con una cara de ira y cabréu que asustaba a un xeneral.

   ¿Asturies cabrea? ¿Asturies crea l’efeuto que esti paisanu cree? ¿Esti paisanu daríase cuenta de la repercusión de la so fechoría? Pol momento nun creo que sea admitíu de bon gradu n’esta tierra. Ye meyor celebrar con una bandera Bertín que con una  Pelayín. ¿A onde tamos llegando?

   La norma, también ye verdá, llera clara, nun tan admitíes banderes autonómiques pol riesgu a la polémica que el señor seleccionador creó aún no habiéndola. Asturies nun causa polémica, Asturies ye to lo contrariu. ¿Dende cuando David Villa o Fernando Alonso o Samu Sánchez o Santi Cazorla o los xulgaores del Sporting o l’Uviéu, al sacar una bandera d’Asturties tan protestando pola so independencia o daqué paecíu?

Los asturianos tenemos Asturies muy dientro, tan dientro que ye lo primero en lo que piensen toos estos deportistas pa ofrecelo y dedicalo, por eso les banderes. Porque sienten Asturies casi al mesmu nivel que España. Pero, menos d’algún casu concretu, nengunu piensa defender otros colores que nun sean el collorau ya l’amariellu.

   Y lo que más sorpréndeme ye que la bandera que más sal en toles disciplines deportives, en to los estadios y canches, en toos los circuitos o en toes les piscines, sea agora y non enantes, motivu de desencuentru. Seique sea la mio boina, pero casi casi la Bandera d’Asturies ye símbolu de deportividá.

   Esto traime a la tiesta un recuerdu perguapu. Fai d’ellos años nel Gran Premiu de Xapón de Formula 1, una cámara enfocó a una mozina nipona que diva vestía de geisha. Pero nun llera un traxe cualquiera. Llera azul ya amariellu y plagadín de Crucecines de la Victoria. Y ellí taba, feliz, taba viendo correr al so ídolu y habíase fechu un traxe cola bandera que ella tanto veía pola televisión y que’l bicampeón del mundo lluce con orgullo, seique ella nun sepiera nunca que significa nin viniera enxamás Astuies.

   La bandera d’Asturies pue sinificar munches coses, pero nenguna d’elles negativa. La bandera la Cruz la Victoria ye simbolu de ídem, y güei más que nunca, ye símbolo de superación, d’unidá, de xuelgu llimpiu, de fraternidá y de magnanimidá. Pero, enxamás, pue dar llugar a una polémica como esta.

   Yo nun voy pedir la dimisión de Meléndez, nin creo que seya un facha, Pero espero que otres Federaciones nun aprendan na de la de fútbol y non cambien a la probe geisha el traxe asturianu por uno de flamenca ya la sonrisa por llágrimes.

Y treinta años dempués seguimos en llucha por lo llóxicu.

Ayeri fue el Día de les Lletres Asturianes, de les mios lletres, de les nueses lletres. Seique el mio precariu asturianu seya culpa de que los colexios au fui escolín nun quisieren afrecémelo, seique seya culpa de Rioprede por non facer obligatoria la ufierta de la mio llingua, también nos concertaos. O seique seya culpa de toos por non dase cuenta de lo que ye el falar d’un pueblu, de lo que ye la realidá d’Asturies. Por esu güey el mio asturianu ye una amestadura (ya nunca meyor dicho) de lo que falase na cai, de lo que falase na mio casa, del pocu pixuatu que se, de los cantares ya de les traducciones non muy fiables d’internet.

                Hubiérame prestao permunchu haber tao ayeri na manifestación ya nel actu nel tan queriu ya conociu teatru Campoamor. Asturies llucha polos sos drechos, pol reconocimientu la so realidá. Porque el problema mas grandi d’esti país d’Asturies ye que los que manden nun conocen o nun quieren conocer la realidá ya los intereses del pueblu. Dándonos igual les orientaciones polítiques la realidá falante d’Asturies ye, además del castellán, la llingua materna de los asturianos.

                Como diz el single d’esti añu de Musicos pola Oficialidá, somos más de dos pa dar la cara. Una cara que, los que manden ya seya col poder políticu o col económicu, nun faen más que partinos. Pero equí tamos otra vegada en sin mieu que nos la partan otra vegada pa lluchar por una realidá. Aunque güei siga diciéndose perí que l’asturianu ye una llingua de xateros (con tol respetu pa los trabayaores del campu), de pimplaos nel chigre o d’ignorantes, yo quiero glayar que los ignorantes ya munches vegaes los pimplaos son los que nun conocen lo que ye l’asturianu, la riqueza, l’estudiu, el trabayu que se fae en tornu…

                Quien niegue les tradiciones asturianes, la cultura, la música ya, por supuestu, l’asturianu como la so llingua que dexe de sentise asturianu y que garre el Negrón y marche. Nun lo queremos. Yo nun soy independentista, Asturies ye España, pero nun voy llamer l’aposentu  a naide, ya menos entovia a dellos cazurrones castiellanos. Y dígolo en sin racismos, que tengo munchos amigos de Burgos, de Pucela…

                Amás, si n’Asturies tenemos to los medios posibles pa usar la nuesa llingua como tien que facese. Por exemplu, na Radiu ya na Televisión del Principáu ye absurdo que sólo pueda vese n’asturianu los programes sobre cultura. ¿Qué pasa que l’asturianu nun ta a la altura de ilustrar les noticies o los deportes? Llamóme profundamente l’atención que profesionales d’esti mediu que tienen que trabayar na llingua de Castiella son asturparlantes. Exemplos d’esto son Miguel Fernandi, que narra los partios del Uviéu, ye'l cantante de Skama la Rede. O Cristóbal Ruitiña, presentador de TPA Noticias y radactor de Les Noticies.

                Otra cosa que llámame l’atención (a mi llámame tou la atención, paezco filósofu) ye que la defensa l’asturianu ta orientá única ya exclusivamente a la política d’esquerdes. O diciendolu d’otra manera, si tas pola oficialidá o yes nacionaliegu o comunista. La llingua nun tien que ser un tema políticu y asina cualquier partíu que conozca cual ye la realidá d’Asturies puxaria por usu normal ya dignu d’ella a l’altura del restu.

                Porque esa ye otra cosa. Si les batalles de que l’asturianu ye una llingua y non un dialectu, del reconocimiento de la so lliteratura, de la normalización… tas ganes, ¿por qué nun dar el siguente pasu llóxicu?

Fino esti comentariu col mio homenaxe domesticu ya particular o toa la xenti que sal de casa pa dar la cara ya lluchar. Pa dexar de ser masa, nun dexase llevar pola corriente que mueven los de Madrid o los de cai Fruela d’Uviéu. En refinitiva que se sienta a los asturianos y que se yos faiga casu.

Gracies por lleeme hasta equí.

Munchísimes gracies/ Muchísimas gracias.

   Cuando ficiera esti blogue, per l'entamu'l cursu, nun asperara alcontrame güei con casi 330 visites, nin siquiera tener nengún seguidor. Fícelo sólo pa perder el tiampu ya pa que lo que escribo ya pienso nun quedara perdiu nes ñubes. Seique en dos meses, d'esti blogue sólo quede l'alcordanza (la mio alcordanza), seique Entre roncones y tinta... lleve el Pulitzer del 2012. Lo ye de xuru ye que nun soy el mesmu de fai mes ya mediu, nin pa mi nin pa vosotros.

   Cuando creé este blog, en el principio del cursu, no me esperaba encontrar hoy 330 visitas, ni siquiera tener ningún seguidor. Sólo lo hice para perder el tiempo y para que lo que escribo y pienso no se quedar perdido por las nubes. Posiblemente en dos meses, de éste blog sólo quede el recuerdo (mi recuerdo) o que Entre roncones y tinta... se lleve el Pulitzer del 2012. Pero os prometo que no soy el mismo que hace mes y medio,  ni para mi ni para vosotros.

¡CUÁNTO DAÑU TA FACIENDO CATALUÑA!

Los que tamos d’alcuerdu con una oficialidá o po lo menos una correuta normalización ya usu de la llingua asturiana, atopamonos con un hapdicap perimportante. La sociedá asturiana sigué teniendo el cliché ya el prexuiciu de que queremos obligar a la xenti a falar d’una manera, a los escolinos a deprender n’asturianu ya a prohibir l’usu de otres llingues ya n’especial, el castellán.

Ya yo, desconsuelome pensando ¡cuántu mal ta faciendo Cataluña! Explicome. Oxalá pudiéremos tener a los catalanes, o meyor dicho, a les sos instituciones como un referente na nuesa causa. Per nun pue ser asina… El gobiernu catalán fai lo mesmu cola so llingua de lo que quexanse que ficieron col castellán: impone, obliga ya castiga al que nun quiera usalu. Pa estu últimu pueo usar d'exemplu esa normativa pola cual si non tornas al catalán el cartel del to negociu (exautamente, que al menos te escrito nesa llingua) puen cascate miles ya miles d’euros ya, si reincides, un millón de los mesmos.

¿Qué ye esto? ¿El reclamu d’usu d’una llingua ta combirtiendose nuna obligación de la mesma? Ye más, ¿la libertá pa expresase na to llingua tien que significar la prohibición de les otres?

Como pues comprender po les mios pallabres nun toi d’alcuerdu. Catuluña ta convirtiéndose nun sistema totalitariu, usando pa ello un tema tan guapu como la llingua. Ya ye más, ta faciendo la “puñeta” con perdón, a to la xenti, como ye el casu d’Asturies, que llucha por la so llingua.

El país, la rexón (o como quieras) catalana nun ye de ninguna de les maneres exemplu nin prototipu de lo que Asturies necesita ya merez. Nun defendemos, po lo menos el que escríbete, d’una imposición desmedía d’una llingua en menospreciu d’otra, una diglosia invertía, o seya ¿qué vamos glayar en contra d’una idea pa facer nos lo mesmo?.

Pa mi idea lo que debe facese ye una normalización ya una oficialización, pero na que se comprenda el billingüismu como un bien, ya apreciemos la riqueza del castellán que impusiéronos. Porque nun podemos cambiar la hestoria y Asturies como sociedá fala billingüe.  

Puxa Asturies ya la nuesa llingua, pero lo que ye más importante (ya incluye eso) PUXA LA LLIBERTÁ
Salú ya saluos.

MILENTA 3, el revolucionariu surdimientu pixuatu.

Aunque la ufierta musical asturiana, sobretou en materia folk, ye muy amplia ya que ca añu ñacen más grupos, entovia tien espaciu pa encastar nueus estilos. Evolucionar ya caminar, siempre, dica la novedá. Esto ye lu que fae el nueu grupu de folk pixuatu MILENTA3, que, con solamente un baxu, una bateria, una gaita ya della fluta, algamen dar una torna rotunda al conceutu de folk asturianu. MILENTA3, ye el soniu rompedor que renova la música pixuata llevándola a la cima de la modernidá y de la perfecha criación.

Son cuatru coyacios de Cuideiru (Miguel, el baxista; Dani “Murray”, el batería; Sergio, gaita y flautes ya Berna, gaita, fluta, percusiones ya voz) que decidieron amartar, fará unos años, un grupu con una estructura simple ya xuniendo a eso el soniu la gaita la tienen una grandísima esperiencia ya que entre ellos tán los direutores ya dos de los más esperimentaos miembros la banda gaites Avante Cuideiru. Ya dempués de MILENTA3 intentos ñació esta agrupación que ye del tipu que ellos nomen pop rock and folk music band, como diz el so trabayau cartel.

El so soniu asemeyase a otros grupos folk peru nun tien na que ver pues

dientru del so repertoriu puedense sentir temes del pop más tieru como Confolens  pasando por una torna radical nel argumentu con Sólo quiero hasta llegar a la explosión

musical col gaiteru ya, atrevome a dicir, rompedor single Berny Reel tou ensin perder el so aroma característicu con un gran sabor pixuatu que alcorda a les últimes publicaciones de Avante Cuideiru.

Dellos perimportantes escenarios del ambiente folk vieronlos pasar, como puen ser la Noite Folk de Navia (en dos vegaes), el Festival Intercélticu d’Occidente, amás cientos de persones pudieron sentir co la so música nel Festival Intercelticu de Cuideiru (tres años consecutivos) o nel Festival 5º 40’ de Xixón nel añu 2010.

Agora mesmu tienen una maqueta de la que se puen escuchar peacinos na so web: www.milenta3.myspace.com. Pues atopalos nes redes sociales, por exemplu: son “Milenta Cuideiru”en Tuenti ya MILENTA 3 en Facebook. Amás tienen un club de fans, MILENTEROS, que atoparás en Facebook.

L'Entamu

Buenes, gracies por perder conmigu el to tiempu.
To les coses tienen un entamu, como tienen un final. Lo que nin tien entau nin fin, ye eternu o nun existe; aúnque güey en dii cuéstame permunchu llograr entender que lo enternu nun entamara nunca.
Nun sé quien va lleer esto, nin se por qué lo fago. Intento convenceme de, por pasar el ratu, pero a estes gores el meyor llar ye la cama. Nun escribo perfeutu asturianu, nin siquiera perfeutu castellán ya el pixuatu nin falamos... seique lo mas correutu que alcuentres nesti blog (o blogue, como diz un collaciu miu) seyan los textos n'inglés.
Los entamos nun son cosa fácil, ye la primer piedra,el primer pasu, la primer pallabra, la primer vegada. Ye l'avisu de que va a haber un final. Dice el refraneru popular castellanu que "el que bien empieza, bien acaba" tamién llei nun se aú que lo meyor ye entamar pol entamu, acabar pol final y en mediu rellenar.
Va chapa que vos toy dando, pero ye porque soy un soñador, un ilusu ya creo que daquién va lleer esto, nun se va a riir y va pensar en ello. Probe de mi...
Como esto va de lo que va, voy intruducir....
La mi primer vegada coles notes, queda allá nel 1993, cuando en'antes de ñacer, y según la mio Ma, saltaba na so tripa mientres ella veia nel Campoamor al ballet d'Alicia Alonso.
A lo llargo de los mios primeros años dempues de salir d'ellí, tuve munches espiriencies nel casu, pero pudo ser quiciabes la primer vez que senti un punteru, seguramente en banda, n'alguna folixa, desfiele o cosa asina. Y como dientro de la cultura ya natura del ser humanu ta la música y yo dende bien guah.e supe que llera astur, tou va seguido...
Otru día falare del dii que entrara na Casa Cultura pixuata preguntando por Sergio, si será otru cantar ( y de esos fueren munchus, nun sabes cuantos...)
Ya cola tinta, y vuelvo a retozame y a flipame coles pallabre de mio Ma que siempre dirá a los cuatro vientos que yo lleia el periódicu dende los tres años, otra ilusa...
Nunca repune cola llectura ya nunca aburriome, pero como soy la persona más incesante ya cabezón del mundo, nun acabara munchos llibros que nun me apasinaren del too.
Tengo suaaaaaaaaañu, voy pa la cama que ocho hores taré esnalando penrriba el Panteón de París.
Gracies, salú, paz ya amor.
Ta llueu.